Որոշումից դեպի արդյունք

Դասընթացը տեղի կունենա նոյեմբերի 12-ին (ժամը՝ 18։30-21։45), որի ավարտին ՀՀ ՊԵԿ «Ուսումնական կենտրոն»-ի կողմից կտրվի հավաստագիր։

Արդյունավետ կառավարման հիմքում ընկած են հիմնավորված որոշումները, հստակ առաջնահերթությունները և իրատեսական նպատակները։
Դասընթացի ընթացքում մասնակիցները կծանոթանան որոշումների կայացման ժամանակակից գործիքներին, նպատակների ձևավորման մեթոդներին, ռիսկերի և հնարավորությունների գնահատման մոտեցումներին, ինչպես նաև կաշխատեն իրական աշխատանքային իրավիճակների և դեպքերի վրա։

Դասընթացը նախատեսված է բոլոր նրանց համար, ովքեր ցանկանում են զարգացնել վերլուծական մտածողությունը, բարձրացնել կառավարման արդյունավետությունը և առավել վստահ կողմնորոշվել բարդ աշխատանքային իրավիճակներում, հատկապես՝ ղեկավարների, թիմերի ղեկավարների, ծրագրերի համակարգողների և քաղաքականությունների մշակմամբ զբաղվող մասնագետների համար։

Դասընթացի արդյունքում մասնակիցները կկարողանան՝

• կայացնել ավելի հիմնավորված և վստահ որոշումներ,
• գնահատել տարբեր ընտրանքների առավելություններն ու ռիսկերը,
• սահմանել և արդյունավետ կառավարել առաջնահերթությունները,
• ձևակերպել հստակ, չափելի և իրագործելի նպատակներ,
• կապել որոշումները ռազմավարական և գործառնական արդյունքների հետ,
• մշակել գործողությունների իրատեսական պլաններ՝ նպատակների իրականացման համար։

Դասընթացը ներառում է գործնական առաջադրանքներ, իրավիճակային վերլուծություններ և աշխատանքային դեպքերի քննարկումներ, որոնք մասնակիցներին հնարավորություն կտան կիրառել ձեռք բերված գիտելիքներն ու գործիքները իրենց մասնագիտական գործունեության ընթացքում։