2012 թվականից ի վեր Ուսումնական կենտրոնն ակտիվորեն ներգրավված է ոլորտի մասնագետների վերապատրաստման, ուսուցման և թեստավորման գործընթացներում:
Իր գործունեության տասը տարիների ընթացքում Կենտրոնը շարունակաբար մեծ դերակատարում է ունեցել և ունենում տարբեր լսարանների համար կրթական դասընթացների մշակման և իրականացման գործում։
ՀՀ ՊԵԿ «Ուսումնական կենտրոն» ՊՈԱԿ-ի տեսլականն է դառնալ ՀՀ-ում ոլորտի առաջատար կրթական կառույց՝ մատուցելով հարկային և մաքսային ոլորտի մասնագետների պատրաստման և վերապատրաստման արդի պահանջներին համապատասխան կրթական ծրագրեր, ապահովելով որակյալ մասնագետների թվաքանակի ավելացում և պետություն-մասնավոր երկխոսություն։
ՀՀ ՊԵԿ «Ուսումնական կենտրոն» ՊՈԱԿ-ը նպաստում է ՀՀ-ում հարկային և մաքսային ոլորտի արժեքավոր փորձագիտական ներուժի զարգացմանը, ամրապնդմանն ու տարածմանը՝ ապահովելով ոլորտի մասնագետների և բոլոր շահագրգիր կողմերի համար շարունակական կրթական հնարավորություններ։
Պետականամետ գործունեությունն ու աշխատանքային մշակույթին հետևողական լինելը մեր ամենօրյա աշխատանքային գործունեության հենասյուներն են:
Կարևորելով յուրաքանչյուր աշխատակցի անհատականությունը՝ զուգահեռաբար կիրառում ենք «Մենք»-ի մոտեցումը «Ես»-ի փոխարեն, քանի որ մեր արդյունավետ գործունեության պատճառը թիմային լինելն է:
Խրախուսելով քննարկումները, մասնագետների խորհուրդներին հետևելը, հարցումները, խաչաձև համագործակցությունը ընկերության ներսում և դրանից դուրս՝ ապահովում ենք սիներգետիկ և որակական նոր գաղափարների առաջացումը և կիրառությունը:
Առաջնահերթությունների հստակ տարանջատումը, ճկուն գործելաձևը, գործընկերների հետ փոխշահավետ հարաբերությունների ապահովումը և անընդհատ զարգանալու մոտեցումները նպաստում են մեր Կենտրոնի կայուն դիրքի ամրապնդմանը:
«Սովորել, ապաՍովորել, վերաՍովորել» մոտեցումը կիրառում է մեզանից յուրաքանչյուրը՝ հոգ տանելով և մասնակիցը դառնալով գիտելիքահենք Հայաստանի զարգացման գործում:
