ԷՄՈՑԻԱՆԵՐԻ ԿԱՌԱՎԱՐՈՒՄԸ՝ որպես առաջնորդության և ազդեցության լծակ

Դասընթացը տեղի կունենա նոյեմբերի 24-ին (ժամը՝ 18։30-21։45), որի ավարտին ՀՀ ՊԵԿ «Ուսումնական կենտրոն»-ի կողմից կտրվի հավաստագիր:

Դասընթացն ինտերակտիվ է, ներառում է տեսական դասախոսությունների, գործնական աշխատանքի, փորձի փոխանակման, դերային խաղերի, ինչպես նաև կրթական ժամանակակից մեթոդների կիրառում: Նման մոտեցումը հնարավորություն է տալիս հաջողությամբ համադրել և ամրապնդել տեսական գիտելիքները, գործնական աշխատանքը և ձեռք բերած նոր հմտությունները:

● Դասընթացը նախատեսված է բոլոր նրանց համար, ովքեր ցանկանում են իրենց աշխատանքային գործունեությունը դարձնել առավել արդյունավետ և բազմակողմանի, ինչպես նաև զարգացնել սեփական անձի ինքնաճանաչողությունն ու ինքնակառավարումը:

● Դասընթացը լավ հնարավորություն է նաև այն ղեկավար անձնակազմի և աշխատակիցների համար, ովքեր ցանկություն ունեն բարելավել իրենց կառավարման հմտությունները, բարձրացնել թիմային և համագործակցային աշխատանքի արդյունավետությունը, ինչպես նաև ավելի լավ հասկանալ ու ավելի կառուցողական կերպով համագործակցել գործընկերների հետ:


Արդյունքում մասնակիցները կսովորեն՝

● Մեկնաբանել թե ինչ է էմոցիոնալ ինտելեկտը և ինչու է այն կարևոր
● Գնահատել սեփական էմոցիոնալ ինտելեկտի մակարդակը
● Հասկանալ և կիրառել Գոլեմանի էմոցիոնալ ինտելեկտի մոդելը
● Նկարագրել սեփական զգացումները և էմոցիաների անիվը
● Զարգացնել իրենց ինքնաճանաչողությունն ու ինքնակառավարումը
● Ճանաչել և կառավարել սեփական էմոցիաները
● Զարգացնել սեփական սոցիալական գիտակցությունը և փոխհարաբերությունները
● Ճանաչել և նկարագրել այլոց էմոցիաները
● Կիրառել էմոցիոնալ ինտելեկտը կառավարման և առաջնորդության մեջ
● Ոգևորել և մոտիվացնել շրջապատի մարդկանց
● Զարգացնել էմոցիոնալ ինտելեկտը աշխատանքային հարաբերություններում
● Ստեղծել էմոցիոնալ ինտելեկտի սեփական զարգացման պլան
● Էմոցիոնալ ինտելեկտի մի շարք տեխնիկաներ և հմտություններ