Կառավարչական հմտություններ

Դասընթացը տեղի կունենա նոյեմբերի 26-ին (ժամը՝ 18։30-21։45), որի ավարտին ՀՀ ՊԵԿ «Ուսումնական կենտրոն»-ի կողմից կտրվի հավաստագիր:

Լավ մասնագետ լինելը միշտ չէ, որ բավարար է արդյունավետ ղեկավար դառնալու համար։ Ղեկավարի դերում մասնագիտական գիտելիքներին զուգահեռ անհրաժեշտ են նաև մարդկանց կառավարման, թիմի ձևավորման, աշխատակիցների մոտիվացման և առաջադրանքների արդյունավետ բաշխման կառավարչական հմտություններ։
Դասընթացի ընթացքում կքննարկվեն կառավարչական հիմնական կոմպետենցիաները, կառավարման տարբեր ոճերը և դրանց կիրառման առանձնահատկությունները, ինչպես նաև կներկայացվեն աշխատակիցների մոտիվացման, առաջադրանքների և պատասխանատվության պատվիրակման ու արդյունավետ հետադարձ կապի տրամադրման գործիքները։

Դասընթացը նախատեսված է ղեկավարների, թիմերի ղեկավարների և այն մասնագետների համար, ովքեր ստանձնել կամ պատրաստվում են ստանձնել կառավարչական պարտականություններ և ցանկանում են զարգացնել մարդկանց և թիմերի արդյունավետ կառավարման հմտությունները։

Դասընթացի արդյունքում մասնակիցները կկարողանան՝
• կիրառել աշխատակիցների մոտիվացման և ներգրավվածության բարձրացման մոտեցումներ,
• տարբերակել կառավարման ոճերը և ընտրել իրավիճակին համապատասխան մոտեցում,
• արդյունավետ պատվիրակել առաջադրանքներն ու պատասխանատվությունը,
• տրամադրել կառուցողական և արդյունավետ հետադարձ կապ (feedback),
• ձևավորել արդյունավետ թիմային աշխատանք,
• կիրառել կառավարչական գործիքներ՝ աշխատակիցների և թիմի արդյունքները բարելավելու համար։