Մոբինգից մինչև այրում․ ինչպես ճանաչել, կանխել և կառավարել աշխատավայրի սթրեսը

Դասընթացը տեղի կունենա նոյեմբերի 13-ին (ժամը՝ 18։30-21։45), որի ավարտին ՀՀ ՊԵԿ «Ուսումնական կենտրոն»-ի կողմից կտրվի հավաստագիր։

Ինչպե՞ս տարբերել սովորական աշխատանքային լարվածությունը մոբինգից, ինչպե՞ս արձագանքել թունավոր վարքագծին և կանխել դրա տարածումը թիմում։

Աշխատավայրում հոգեբանական անվտանգությունը, սթրեսի արդյունավետ կառավարումը և առողջ հաղորդակցությունը կարևոր նշանակություն ունեն ինչպես աշխատողի բարեկեցության, այնպես էլ կազմակերպության արդյունավետության համար։

Դասընթացը ներկայացնում է մոբինգի` աշխատավայրում հոգեբանական բռնության նշանները, դրա ազդեցությունը աշխատողի և կազմակերպության վրա, սթրեսի կառավարման գործիքներն ու գործնական արձագանքման մեխանիզմները՝ աջակցելու դրա կանխմանն ու հաղորդակցման արդյունավետ միջավայր ձևավորելուն։

Դասընթացը ներառում է գործնական քննարկումներ և իրավիճակների վերլուծություն, որոնք կօգնեն մասնակիցներին ճանաչել աշխատավայրում առաջացող խնդիրները և գտնել դրանց լուծման արդյունավետ մոտեցումներ։