ՀՀ ֆինանսների նախարարության աշխատակիցների մասնագիտական վերապատրաստում
ՀՀ Ֆինանսների նախարարության հետ համագործակցության ադյունքում 2023թ-ի նոյեմբերի 21-ին, 23-ին, 28-ին և 30-ին ՀՀ ՊԵԿ «Ուսումնական կենտրոն»-ում տեղի ունեցավ «ՀՀ ֆինանսների նախարարության աշխատակիցների մասնագիտական վերապատրաստում» թեմայով չորսօրյա դասընթաց՝ նախարարության աշխատակիցների համար:
Դասընթացը տեսական և գործնական աշխատանքների համատեղում էր՝ ներառելով դասախոսություններ, տեսողական նյութեր, խմբային քննարկումներ, դերախաղային վարժություններ, իրավիճակային վերլուծություններ, փափուկ ունակությունների զարգացման և հմտությունների բարելավման բազմակողմանի մեթոդների կիրառություն:
Դասընթացի առաջին օրը մասնակիցները դասընթացավարի հետ միասին քննարկել են արդյունավետ հաղորդակցության գործիքները, բանավոր և գրավոր հաղորդակցության մեջ առաջադեմ մոտեցումները, ծանոթացել են հաղորդակցման դժվար սցենարների, զգացմունքային իրավիճակների կառավարմանը, ունեցել են խմբային քննարկումներ կարեկցանքի սպասարկման մտածելակերպ մշակելու վերաբերյալ:
Դասընթացի երկրորդ օրը մասնակիցները վերանայել և ընդլայնել են քաղաքացիակենտրոն մոտեցման ըմբռնումը, վերլուծել են բարդ արձագանքները և բողոքները, քննարկել խնդիրների լուծման առաջադեմ տեխնիկաներ, գործիքներ, մշակել նորարարական լուծումներ:
Դասընթացի երրորդ օրը քննարկման թեմաներն էին ժամանակի կառավարման արդյունավետ մեթոդները, աշխատանքային ծանրաբեռնվածությունը արդյունավետորեն կառավարելու մոտեցումները, հակամարտությունների լուծման առաջադեմ ռազմավարությունները, քաղաքացիների հետ կոնֆլիկտների լուծման տարբերակները, ունեցել են նաև խմբային քննարկումներ բանակցային և փոխզիջման տեխնիկայի վերաբերյալ:
Դասընթացի չորրորդ օրը մասնակիցները կատարել են վարժություններ խմբային գործունեության և թիմերի ձևավորման համար, ծանոթացել են քաղաքացիների կարծիքը հավաքելու և վերլուծելու առաջադեմ մեթոդների, հիմնավորել են թիմային աշխատանքի կարևորությունը քաղաքացիների սպասարկման գործում, իրականացրել են գործողությունների պլանավորում:
Դասընթացը վարեցին Բանասիրական գիտությունների դոկտոր, պրոֆեսոր, ԵՊՀ Եվրոպական լեզուների և հաղորդակցության ֆակուլտետ, արտասահմանյան գրականության ամբիոնի պրոֆեսոր, Միջազգային խմբագրական կոլեգիաների և գիտական միությունների անդամ Տիգրան Սիմյանը, Կառավարման ոլորտի որակավորված խորհրդատու, ICMCI / CMC-Global հայաստանյան անդամ կառույցի՝ Կառավարման խորհրդատվության Հայաստանի ինստիտուտի տնօրեն (IMC Armenia) Սիլվա Մեսրոպյանը և InfoSkills-ի հիմնադիր-ղեկավար Վարուժան Ավանեսյանը։
Դասընթացի արդյունավետ լինելու մասին են փաստում նաև մասնակիցների գնահատականները և շարունակակություն ապահովելու վերաբերյալ առաջարկները:
