«Անձնակազմի կառավարում» թեմայով դասընթաց Հարկային ծառայության ղեկավար պաշտոններ զբաղեցնող պաշտոնատար անձանց համար
Անձնակազմի կառավարումը իր մեջ ներառում է ոչ միայն կազմակերպության ներսում գործունեության և անձնակազմի վերահսկողություն, այլ նաև գործառույթների համակարգում և «մթնոլորտի կառավարում»՝ արդյունավետության, արտադրողականության և աշխատանքային բարենպաստ միջավայրի ապահովման նպատակով:
Հարկային ծառայության ղեկավար պաշտոններ զբաղեցնող պաշտոնատար անձանց համար կազմակերպված դասընթացի շրջանակներում «Անձնակազմի կառավարում» թեմայով դասընթացը վարեց «Գրանթ Թորնթոն Հայաստան»-ի ՄՌԿ խորհրդատվական ծառայությունների ղեկավար Լիլիթ Գևորգյանը:
Անձնակազմի կառավարումը սկսում է աշխատակիցների հավաքագրումից և շարունակվում է աշխատանքային միջավայրի անընդհատ բարելավմամբ: Դա անընդհատ կրկնվող շղթա է, որի հենակետերն են՝
- Հավաքագրում/Recruitment-գտնել և ընտրել այնպիսի որակավորում ունեցող անձանց, ովքեր համապատասխանում են կազմակերպության մշակույթին և աշխատանքային պահանջներին:
- Ներգրավում և ուսուցանում/Onboarding and Training-նոր աշխատակիցների ծանոթացում իրենց գործառույթներին, կազմակերպությանը և վերջինիս քաղաքականությանը, ինչպես նաեւ անհրաժեշտ վերապատրաստման և զարգացման հնարավորությունների ապահովում:
- Գործառույթների հստակ սահմանում- աշխատակիցների դերերի և պարտականությունների հստակ տարանջատում, կատարողականի ցուցանիշների սահմանում:
- Կատարողական կառավարում- կատարողականի մոնիթորինգ, հետադարձ կապի ապահովում և այլն:
- Մոտիվացում-աշխատողներին մոտիվացում՝ ընդունելով նրանց ձեռքբերումները, ապահովել աճի հնարավորություններ և խթանել դրական աշխատանքային միջավայր:
- Կոնֆլիկտների լուծում-թիմի անդամների միջև կոնֆլիկտների և վեճերի վերհանում և լուծում ժամանակին:
- Ադապտացում և փոփոխությունների կառավարում-կազմակերպության ներսում տեղի ունեցող փոփոխություններին արձագանքում և անցումների ու մարտահրավերների արդյունավետ կառավարում։
- Այլն:
Կարևորելով վերոնշյալ կետերը՝ կազմակերպությունները կարող են ստեղծել թիմ, որն ի վիճակի է ապահովել շարունակական ձեռքբերումներ, քանի որ անձնակազմի արդյունավետ կառավարումը պահանջում է միջանձնային հարաբերությունների հետևողական ղեկավարում և խորը պատկերացում ինչպես ընկերության նպատակների, այնպես էլ առանձին աշխատողների կարիքների մասին:
