Մարդկային ռեսուրսների կառավարում
ՀՀ ՊԵԿ «Ուսումնական կենտրոն» ՊՈԱԿ-ում «Հարկային և մաքսային մարմիններում անհրաժեշտ այլ հմտություններ» ուսումնական միջոցառման շրջանակներում ապրիլի 4-ից 6-ը և ապրիլի 10-ից 12-ը տեղի ունեցան «Մարդկային ռեսուրսների կառավարում» թեմայով դասընթացներ` ՀՀ ՊԵԿ Անձնակազմի կառավարման վարչության մասնագետների և ՀՀ ՊԵԿ «Ուսումնական կենտրոն» ՊՈԱԿ-ի աշխատակիցների համար:
Դասընթացները վարեց ԵՊՀ ՄՌԿ մագիստրոսական ծրագրի ղեկավար, դոցենտ Աննա Մաքսուդյանը՝ քննարկումների, հարց ու պատասխանի մեթոդների կիրառմամբ:
Օրակարգում ներառված թեմաները բազմակողմանի էին՝ ներառելով կազմակերպության ՄՌԿ բրենդը, աշխատակիցներին մոտիվացնելու տարբերակները, անձի կոմպետենցիաները վերհանելու ուղիները, աշխատակիցներին գնահատելու չափանիշները, արդյունավետության առանցքային ցուցիչները և այլն:
Դասընթացների նպատակն է բարձրացնել ՀՀ ՊԵԿ աշխատակիցների մարդկային ռեսուրսների կառավարման վերաբերյալ իրազեկվածության մակարդակը:
