ՄԱՔՍԱՅԻՆ ՀԱՄԱԿԱՐԳԸ ՀԱՄԱԼՐՎԵՑ ՆՈՐ ԾԱՌԱՅՈՂՆԵՐՈՎ

Պետական եկամուտների կոմիտեի մաքսային համակարգում բարեփոխումները մեկնարկեցին  2022 թվականի  տարեսկզբին, որի շրջանակներում «Մաքսային ծառայողների պատրաստման դասընթաց»-ների մասնակցության համար ներկայացվեց շուրջ 2000 դիմում-հայտ: Դասընթացների մասնակիցները մի քանի փուլով՝ տեսական և գործնական պարապմունքներով, ամրապնդեցին ոլորտային գիտելիքները, ունեցան  թեստավորման և քննական փուլեր:

Վերջնարդյունքում ընտրվեցին լավագույն 160 մասնակիցները: Հոկտեմբեր ամսին տեղի ունեցավ մաքսային ծառայողների երդման արարողությունը և համակարգի նորեկները հանդիսավոր երդվեցին՝ ծառայել հայրենիքին:

Բարեփոխումների աշխատանքների կազմակերպման և իրականացման գործընթացներում ակտիվ մասնակցություն ունեցավ ՊԵԿ «Ուսումնական կենտրոն»-ը:

Հետագայում նոր աշխատակիցներով կհամալրվեն Երևանի մաքսային սպասարկման կենտրոն-մաքսատուն վարչությունը, ինչպես նաև մաքսային ծառայության այլ կառուցվածքային ստորաբաժանումները։