Մարինե Աբգարյանը ՀՀ պետական եկամուտների կոմիտեի վարչարարության մեթոդաբանության և ընթացակարգերի վարչության հարկերի և պարտադիր վճարների մեթոդաբանության թիվ 1 բաժնի գլխավոր հարկային տեսուչ է։ Նա ՀՀ ՊԵԿ համակարգում աշխատում է 2017 թվականից՝ ունենալով հարկային վարչարարության ոլորտում մասնագիտական փորձ։
Մարինեն մասնագիտացած է հարկերի և պարտադիր վճարների մեթոդաբանության, հարկային քաղաքականության և վարչարարության հարցերում։ Մասնագիտական գործունեության շրջանակում մասնակցում է Եվրասիական տնտեսական հանձնաժողովի (ԵՏՀ) կոլեգիային առընթեր հարկային քաղաքականության և վարչարարության հարցերով խորհրդատվական կոմիտեին կից գործող փորձագիտական խմբերի աշխատանքներին, այդ թվում՝ էլեկտրոնային առևտրի հարկման հարցերով։
Կրթությունը ստացել է Հայաստանի պետական տնտեսագիտական համալսարանի Կառավարման ֆակուլտետում՝ ստանալով տնտեսագիտության բակալավրի և մագիստրոսի աստիճաններ՝ երկու դեպքում էլ գերազանցության դիպլոմով։ Մասնագիտական գիտելիքները շարունակաբար զարգացնում է վերապատրաստումների և կրթական ծրագրերի միջոցով։
2023 թվականին մասնակցել է ՀՀ ՊԵԿ Ուսումնական կենտրոնի «Դասընթաց դասընթացավարների համար» վերապատրաստման ծրագրին։ Հետագայում մասնակցել է նաև «Ընդհանուր և գործնական ռուսերեն հարկային ծառայողների համար» դասընթացին, ինչպես նաև «WEB 3 և կրիպտոարժույթներ» կրթական ծրագրին։
2026 թվականին մասնակցել է Վարշավայում՝ Լեհաստանում, անցկացված «Ծխախոտի հարկումը Կենտրոնական և Արևելյան Եվրոպայում. ձեռքբերումներ և մարտահրավերներ» խորագրով աշխատաժողովին՝ ընդլայնելով իր մասնագիտական գիտելիքները հարկային քաղաքականության արդի հարցերի շուրջ։
Նրա մասնագիտական գործունեության հիմնական ուղղություններն են հարկային վարչարարությունը, հարկերի և պարտադիր վճարների մեթոդաբանությունը, հարկային քաղաքականությունը և էլեկտրոնային առևտրի հարկման հարցերը։
