«Առևտրի դյուրացում, մաքսային մարմին» թեմայով դասընթաց
Համաշխարհային Բանկը` ԵՄ կողմից ֆինանսավորվող «Առևտրի դյուրացում, մաքսային մարմին» ծրագրի շրջանակներում ՊԵԿ-ին, ի թիվս այլ ուղղությունների, տրամադրում է աջակցություն Հետբացթողումային հսկողության ռիսկերի կառավարման կատարելագործման ուղղությամբ, որի շրջանակներում դեկտեմբերի 12-15-ը ՀՀ ՊԵԿ «Ուսումնական կենտրոնում» տեղի ունեցավ «Ապրանքների բացթողումից հետո ռիսկերի կառավարում» թեմայով դասընթաց:
Դասընթացը վարեց միջազգային մաքսային փորձագետ Յոլանտա Դիկտանիենեն:
Դասընթացին մասնակցեցին Պետական եկամուտների կոմիտեի տարբեր ստորաբաժանումների աշխատակիցներ, որի նպատակն էր ՝
- Իրականացնել Հայաստանի մաքսային ոլորտում առկա իրավիճակի գնահատում` ապրանքների բացթողումից հետ փաստացի ռիսկերի կառավարման վերաբերյալ,
- Ներկայացնել ռիսկերի կառավարմանն առնչվող գործառույթներ,
- Ներկայացնել ռիսկերի կառավարման գործառնական մեթոդներ, ՏՏ գործիքներ և գնահատել վերապատրաստման կարիքները:
Դասընթացից ակնկալվող արդյունքն է՝
- Ռիսկերի կառավարման վերաբերյալ բացերի և կարիքների գնահատման հաշվետվության նախագծի մշակում,
- PCA ստանդարտ գործառնական ընթացակարգի (SOP) բարելավում:
Դասընթացը տեսական և գործնական աշխատնքների համատեղում էր՝ դասախոսություններ, դեպքերի քննարկումներ, իրավիճակային վերլուծություններ, անհատական և խմբային աշխատանքների կատարում և այլն:
Դասընթացի մասնակիցները բարձր գնահատեցին դասընթացավարի աշխատանքի արդյունավետությունը և դասընթացի արդյունքում վերցրած գիտելիքների և գործիքների համապատասխանությունը իրենց աշխատանքային գործառույթներին:
