«Ապօրինի առևտրի դեմ պայքարի պրոֆիլավորման և թիրախավորման տեխնիկայի հետ կապված վերջին միտումների վերաբերյալ» սեմինար-դասընթաց
«SGS» ընկերությունը «Moët Hennessy» ընկերության հետ համատեղ նոյեմբերի 16-ին և 17-ին կազմակերպել էր «Ապօրինի առևտրի դեմ պայքարի պրոֆիլավորման և թիրախավորման տեխնիկայի հետ կապված վերջին միտումների վերաբերյալ» սեմինար-դասընթաց ՀՀ ՊԵԿ Մաքսանենգության դեմ պայքարի վարչության և Մաքսային հսկողության վարչության աշխատակիցների համար:
Հսկողության ընդհանուր միությունը ((SGS՝ Société Générale de Surveillance)) շվեյցարական ընկերություն է, որը ծառայություններ է մատուցում անկախ փորձաքննության, վերահսկման, թեստավորման և սերտիֆիկացման ոլորտներում:
Դասընթացը վարեց Քրիստոֆոր Զիմերմանը, ով 10 տարի ղեկավարել է Համաշխարհային մաքսային կազմակերպության Կեղծարարության և ապօրինի առևտրի դեմ պայքարի աշխատանքները:
Դասընթացը նպատակաուղղված էր ՝
- բարձրացնելու ՊԵԿ ծառայողների հմտություններն ու գիտելիքները ապօրինի առևտուրը, կեղծված ապրանքները հայտնաբերելու գործում՝ ռիսկերի գնահատման և բեռների թիրախավորման/Պրոֆիլավորման տեխնիկայի հետ կապված նոր տեխնիկաների միջոցով:
- օգնելու LEA-ին ավելի համագործակցային արձագանք մշակելու կեղծարարության և մաքսային ապօրինի առևտրի աճող միջազգային վտանգի դեմ՝ խրախուսելով լավագույն փորձի փոխանակումը և փորձի կիսումը փորձագետների և մասնավոր հատվածի ներկայացուցիչների միջև:
Դասընթացին մասնակցեցին Մաքսանենգության դեմ պայքարի վարչության և Մաքսային հսկողության վարչության 40 աշխատակիցներ:
Միջազգային համագործակցության վարչության պետ ժ/թ Ներսես Զեյնալյանը ողջունեց դասընթացի մասնակիցներին և նշեց,-«ՀՀ Պետական եկամուտների կոմիտեն և ՀՀ ՊԵԿ Ուսումնական կենտրոնը գնահատելով համակարգի աշխատակիցների աշխատանքը՝ կարևորում են շարունակական կրթական հնարավորությունների ստեղծումը վերջիններիս համար՝ ներգրավվելով ոչ միայն Հայաստանում ապրող մասնագետների, այլև միջազգային փորձագետների»:
Քրիստոֆոր Զիմերմանը դասընթացը սկսեց հետևյալ արտահայտություններով՝ «Մի հավատացեք հայտարարագրերին և X-ray-երին, ես կպատեմ ինչու՞» և «Դուք այստեղ եք ետ սովորելու այն ամենը, ինչը գիտեք և Ձեր աշխատանքի մեջ տեսնելու այն, ինչն անտեսանելի է»:
Այնուհետև ներկայացրեց խարդախության վերջին միտումների վերլուծությունները, աշխարհում տեղի ունեցող իրադրձությունները, ապօրինի առևտրին առնչվող ոլորտները, ռիսկերի վերլուծության 3 պայմանները, որոնք են՝
- Համապատասխանությունը (Coherency),
- Նմանությունը (Similarity),
- Տրամաբանությունը (Logical):
Մասնակիցները դասընթացավարի հետ միասին քննարկեցին նաև Հայաստանի մաքսային համակարգում կիրառվող մեխանիզմները ընդդեմ ապօրինի առևտրի և կեղծարարության:
Պարոն Զիմերմանը դասըթնացը եզրափակեց այն մտքով, որ չնայած կիրառվող մոտեցումներին, տեխնիկաներին և ժամանակակից տարատեսակ այլ լուծումներին, լավագույն համակարգը Ձեր սեփական ուղեղն է:
Մաքսանենգության վարչության պետ Երջանիկ Հակոբյանը շնորհակալություն հայտնեց դասընթացի կազմակերպիչներին՝ իր խոսքում նշելով հետևյալը՝ «Ցանկացած երկրում յուրաքանչյուր կառույցի աշխատակիցների ժամանակ առ ժամանակ անհրաժեշտ է մասնակցել նորը և տեղին գիտելիք ու փորձ ապահովող դասընթացների: Հարկ եմ համարում ընդգծել պարոն Զիմերմանի բարձր որակի մասնագետ լինելն ու դասընթացի արդյունավետության փաստը»:
«Շնորհակալ և ուրախ ենք հերթական ստացված ու արդյունքաստեղծ համագործակցության համար: Ուսումնական կենտրոնը հետևողական է գործընկերների համար նպատակային դասընթացներ կազմակերպելու հարցում և իրողություն է երկկողմանի նախաձեռնողականությունն ու համաձայնեցված դասընթացների կազմակերպումը»,- ՀՀ ՊԵԿ Ուսումնական կենտրոնի տնօրեն Արուսյակ Միրզախանյան:
