ՈՒՍՈՒՄՆԱԿԱՆ ԿԵՆՏՐՈՆ

ՊԵԿ Ուսումնական կենտրոնի և Հայրենիքի պաշտպանի վերականգնողական կենտրոնի միջև ստորագրվել է համագործակցության հուշագիր։ Այն ստորագրել են Ուսումնական կենտրոնի տնօրենի Արթուր Մարտիրոսյանը և վերականգնողական կենտրոնի տնօրեն Հայկուհի Մինասյանը։

Համագործակցության հուշագրի համար հիմք է հանդիսացել Պետական եկամուտների կոմիտեի նախագահ Էդվարդ Հովհաննիսյանի վերջերս կենտրոն այցի ժամանակ ձեռք բերված պայմանավորվածությունը։ Կոմիտեի ղեկավարն առաջարկել էր զինվորների համար անվճար դասընթացներ կազմակերպել՝ հետագայում ՊԵԿ-ում աշխատելու հեռանկարով:

Հայրենիքի պաշտպանի վերականգնողական կենտրոնի զինվորներին են ներկայացվել 2020թ․ կատարված աշխատանքների հաշվետվությունը, հարկային և մաքսային ոլորտի գործունեության հիմնական ուղղությունները, մասնավորապես, օրենսդրական կարգավորումները, ինչպես նաև ՊԵԿ ստորաբաժանումների աշխատանքային առանձնահատկությունները։ Կոմիտեի մասնագետներն ընդգծել են, որ կառույցի հիմնական առաքելությունը ոչ թե ստուգումներն ու վերահսկողական գործառույթներն են, այլ տնտեսվարողին աջակցելը։

ՊԵԿ Ուսումնական կենտրոնի տնօրեն Արթուր Մարտիրոսյանի խոսքով՝ փոխգործակցության առաջնահերթությունն է վիրավոր զինծառայողներին պատշաճ գիտելիքների և հմտությունների տրամադրումը։ Արդյունքում՝ Հայրենիքի պաշտպաններին գիտելիքներ կտրամադրվեն ոչ միայն հարկային ու մաքսային, այլև բիզնես ոլորտում գործունեություն իրականացնելու վերաբերյալ։

Կոմիտեի մասնագետների խոսքով՝ արդեն պատրաստ են ուսումնական ծրագրերը և որոշակի նախապատրաստական աշխատանքներից հետո կմեկնարկեն դասընթացները։

Օրինապահ հարկ վճարողի համար Ուսումնական կենտրոնում մարտի 29-ից 31-ը անցկացված «ՀՀ Հարկային օրենսգիրք» թեմայով եռօրյա անվճար դասընթացի մասնակիցներին տրվել են հավաստագրեր: Դասընթացին ներկայացվել են ՀՀ Ավելացված արժեքի հարկի, շահութահարկի և եկամտային հարկի մասին ՀՀ օրենքները։ Դասընթացին մասնակցել են 28 ունկնդիր։ 

ՀՀ ՊԵԿ համակարգում ներդրված նոր «Power BI» հաշվետվական անալիտիկ համակարգի աշխտատանքին ՊԵԿ ծառայողներին ծանոթացնելու նպատակով Ուսումնական կենտրոնում անց են կացվել դասընթացներ համապատասխան թեմայով։ 2021թ-ի փետրվարի 1-ից 26-ը ընկած ժամանակահատվածում անցկացված դասընթացներին ներկայացվել են ծրագրի Mobile reports, Տեղեկատվական Հաշվետվություններ, GAP (հարկային ճեղքվածքի վերաբերյալ հաշվետվություններ) թեմաները։  11 ակ/ժամ տևողությամբ դասընթացներին մասնակցել են 176 ունկնդիր: