ՈՒՍՈՒՄՆԱԿԱՆ ԿԵՆՏՐՈՆ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՊԵՏԱԿԱՆ ԵԿԱՄՈՒՏՆԵՐԻ ԿՈՄԻՏԵ

image description
image description
Աշխատաժողով ուսումնական կենտրոնում
image description
Աշխատաժողով ուսումնական կենտրոնում
image description
image description
«POWER BI» ՀԱՇՎԵՏՎԱԿԱՆ ԱՆԱԼԻՏԻԿ ՀԱՄԱԿԱՐԳ
image description

Նորություններ

  • ՈՒՍՈՒՄՆԱԿԱՆ ԿԵՆՏՐՈՆՈՒՄ ՀԱՅՐԵՆԻՔԻ ՊԱՇՏՊԱՆՆԵՐԻ ՀԱՄԱՐ ԿԱԶՄԱԿԵՐՊՎԵԼ ԵՆ ԴԱՍԸՆԹԱՑՆԵՐ

    Ուսումնական կենտրոնում Հայրենիքի պաշտպանների համար մեկնարկել են դասընթացներ: Դեռևս ապրիլին, Պետական եկամուտների կոմիտեի նախագահ Էդվարդ Հովհաննիսյանի Հայրենիքի պաշտպանի վերականգնողական կենտրոն այցի ժամանակ, պայմանավորվածություն է ձեռք բերվել զինվորների համար անվճար դասընթացներ կազմակերպել՝ հետագայում ՊԵԿ-ում աշխատելու հեռանկարով: Իսկ մայիսին արդեն համագործակցության հուշագիր է կնքվել՝ ՊԵԿ «Ուսումնական կենտրոն» ՊՈԱԿ-ի և «Աջակցություն վիրավոր զինվորներին և զինվորական հաշմանդամներին» ՀԿ-ի միջև:

    Երկու կառույցների գործակցությամբ Հայրենիքի պաշտպանների սոցիալական ինտեգրման և զբաղվածության հարցերի լուծման ուղղված ևս մեկ կարևոր նախաձեռնություն կյանքի կոչվեց: Պետական եկամուտների կոմիտեում աշխատելու նպատակով շուրջ մեկ ամիս տևողությամբ ուսումնական կուրսի ընթացքում տղաները ձեռք կբերեն անհրաժեշտ հմտություններ և գիտելիքներ՝ հարկային, մաքսային օրենսդրության և ընթացակարգերի վերաբերյալ: 

    ՊԵԿ ուսումնական կենտրոնը Հայրենիքի պաշտպանների համար ընդլայնել է նաև կրթական ծրագրերի ուղղվածությունը, ներառելով նաև հաշվապահական հաշվառում՝ գործարարների մոտ աշխատելու հնարավորությամբ: Մեկ ամսվա ընթացքում դասընթացի մասնակիցներին կմատուցվի գիտելքիների հիմնական շտեմարանը, որը լիարժեք կբավարարի բիզնես ոլորտում հաշվապահ աշխատելու համար:

    Հենաշարժողական դժվարություն ունեցող տղաների համար դասընթացները կազմակերպվում են առցանց:

    Երեք ուղղությամբ անցկացվող ուսումնական ծրագրի ավարտին մասնակիցները կստանան հավաստագրեր:

    Կարդալ ավելին
  • ՊԵԿ ՈՒՍՈՒՄՆԱԿԱՆ ԿԵՆՏՐՈՆԻ ԵՎ ՀԱՅՐԵՆԻՔԻ ՊԱՇՏՊԱՆԻ ՎԵՐԱԿԱՆԳՆՈՂԱԿԱՆ ԿԵՆՏՐՈՆԻ ՄԻՋԵՎ ՍՏՈՐԱԳՐՎԵԼ Է ՀԱՄԱԳՈՐԾԱԿՑՈՒԹՅԱՆ ՀՈՒՇԱԳԻՐ

    ՊԵԿ Ուսումնական կենտրոնի և Հայրենիքի պաշտպանի վերականգնողական կենտրոնի միջև ստորագրվել է համագործակցության հուշագիր։ Այն ստորագրել են Ուսումնական կենտրոնի տնօրենի Արթուր Մարտիրոսյանը և վերականգնողական կենտրոնի տնօրեն Հայկուհի Մինասյանը։

    Համագործակցության հուշագրի համար հիմք է հանդիսացել Պետական եկամուտների կոմիտեի նախագահ Էդվարդ Հովհաննիսյանի վերջերս կենտրոն այցի ժամանակ ձեռք բերված պայմանավորվածությունը։ Կոմիտեի ղեկավարն առաջարկել էր զինվորների համար անվճար դասընթացներ կազմակերպել՝ հետագայում ՊԵԿ-ում աշխատելու հեռանկարով:

    Հայրենիքի պաշտպանի վերականգնողական կենտրոնի զինվորներին են ներկայացվել 2020թ․ կատարված աշխատանքների հաշվետվությունը, հարկային և մաքսային ոլորտի գործունեության հիմնական ուղղությունները, մասնավորապես, օրենսդրական կարգավորումները, ինչպես նաև ՊԵԿ ստորաբաժանումների աշխատանքային առանձնահատկությունները։ Կոմիտեի մասնագետներն ընդգծել են, որ կառույցի հիմնական առաքելությունը ոչ թե ստուգումներն ու վերահսկողական գործառույթներն են, այլ տնտեսվարողին աջակցելը։

    ՊԵԿ Ուսումնական կենտրոնի տնօրեն Արթուր Մարտիրոսյանի խոսքով՝ փոխգործակցության առաջնահերթությունն է վիրավոր զինծառայողներին պատշաճ գիտելիքների և հմտությունների տրամադրումը։ Արդյունքում՝ Հայրենիքի պաշտպաններին գիտելիքներ կտրամադրվեն ոչ միայն հարկային ու մաքսային, այլև բիզնես ոլորտում գործունեություն իրականացնելու վերաբերյալ։

    Կոմիտեի մասնագետների խոսքով՝ արդեն պատրաստ են ուսումնական ծրագրերը և որոշակի նախապատրաստական աշխատանքներից հետո կմեկնարկեն դասընթացները։

    Կարդալ ավելին
  • Օրինապահ հարկ վճարողների համար կազմակերպված դասընթացի մասնակիցներին տրվել են հավաստագրեր

    Օրինապահ հարկ վճարողի համար Ուսումնական կենտրոնում մարտի 29-ից 31-ը անցկացված «ՀՀ Հարկային օրենսգիրք» թեմայով եռօրյա անվճար դասընթացի մասնակիցներին տրվել են հավաստագրեր: Դասընթացին ներկայացվել են ՀՀ Ավելացված արժեքի հարկի, շահութահարկի և եկամտային հարկի մասին ՀՀ օրենքները։ Դասընթացին մասնակցել են 28 ունկնդիր։ 

    Կարդալ ավելին

Հայտարարություններ

  • «Հարկային օրենսգիրք» 2020

    Ուսումնական կենտրոնը տեղեկացնում է, որ 2021 թվականի հունվարի 15-ից «Հարկային օրենսգիրք 2020»-ը նախկին 7.000 ՀՀ դրամի փոխարեն կվաճառվի 5.000 ՀՀ դրամով (ներառյալ ԱԱՀ): 3 և ավել օրինակ գնելու դեպքում գիրքը կարող եք ձեռք բերել 3500 դրամով։

    Գիրքը կարող եք ձեռք բերել ք. Երևան Ահարոնյան 12/3 և Կոմիտաս 35 հասցեներից: Գործում է նաև գրքի անվճար առաքում Երևան քաղաքում։ ՀՀ մարզերում առաքումն իրականացվում է փոստային եղանակով։ Առցանց պատվիրելու համար անհրաժեշտ է լրացնել անուն, ազգանուն, հասցե և հեռախոսահամար դաշտերը։ Պատվիրելլու համար անցնել http://training-center.am/am/training/2020 հղումով։     

    Հեռ: 060 544 988 

    Կարդալ ավելին
  • Տպագրական, դիզայներական եվ հետտպագրական աշխատանքներ

    Ուսումնական կնետրոնն իրականացնում է գունավոր օֆսեթ, թվային տպագրություն, նաև դիզայներական և հետտպագրական աշխատանքներ: Կենտրոնում կարող եք պատվիրել գրքերի, ամսագրերի, այցեքարտերի, բուկլետների, թռուցիկների, հավաստագրերի տպագրություն: Ծառայությունների մատուցման մանրամասներին կարող եք ծանոթանալ զանգահարելով 060 544 985 կամ 055 095 805 հեռախոսահամարներով:

    Կարդալ ավելին